Татарстанның дүрт районыннан спортчылар Минзәләдә ГТО тапшырдылар

Илшат Вагыйзов, "Минзәлә-информ"

Минзәлә шәһәрендә Минзәлә, Тукай, Актаныш, Мөслим районнары спортчылары катнашында ГТО тапшыру буенча зона фестивале булды.

Чара "Юбилейный" спорт мәктәбендә старт алды, анда сәламәт яшәү рәвешен яратучыларны Минзәлә районының Яшьләр эшләре һәм спорт бүлеге җитәкчесе Фаяз Хизбуллин сәламләде.

Дарья Липина, Минзәлә районында ГТО тапшыру буенча белгеч:

- Нормативларны тапшыру ике мәйданчыкта узды. "Юбилейный" спорт мәктәбендә алга иелү,  урыннан озынлыкка сикерү, гер күтәрү, отжимание кебек төрләр буенча нормативлар тапшырылды. Ә Ленин исемендәге стадионда спортчылар йөгерү һәм спорт снарядын ыргыту буенча осталыкларын күрсәттеләр.