"Веста" белгечләре әфганчы Дамир Латыйповның әтисендә кунакта

Хәсән абый шушы аяныч сугышта бик яшьли ​ вафат булган ​ улын күз яшьләре белән искә алды (ул 19 яшендә вафат була). Дамирның бик эшчән, акыллы һәм тәүфиклы бала булуын да искәртеп китте ул. Ата-аналары аның белән горурлана иделәр.

“Әфганнан кайтсам, эшкә урнашам” дигән өметләр белән яшәгән улының цинк табутында кайтуы ата-ана өчен әйтеп бетергесез зур кайгы була. Әле хәзер дә фотоларына карап, хатларын укыганда Хәсән​ абыйның күзләреннән мөлдерәмә яшьләр ага.

Безнең изге бурычыбыз: Әфганстанда башларын куйган батыр ир-егетләребезне хәтеребездә саклау һәм аларның ата-аналарына кадер-хөрмәтебезне күрсәтү.