Аю фермасында cеминар үтте

Бүген "Органик групп-Минзәлә" идарәче компаниянең Якты юл хуҗалыгының Аю фермасында терлекчелеккә багышланган район семинары булып үтте. Семинарда сөт саву, ашату, торакларны капиталь төзекләндерү, малларны кышлатуга күчерү, торакларга такта идәннәр җәю, раздой сыерларны аерып кую һәм башка мәсьәләләр күтәрелде. Аю фермасында шактый гына эшләр эшләнгән, тораклар дезинфекцияләнгән, кардалар зурайтылган, саламнар ферма яннарына кайтарып өеп куелган. Гомумән алганда хуҗалык җитәкчесе Нурһади Гыйльфанов һәм авыл җирлеге башлыгы Илнур Фаррахов кулга-кул тотынып эшлиләр.