Аянычлы нәтиҗәләргә китермәсен

Малларда әледән-әле йогышлы, куркыныч авырулар чыгып кына тора.

Март аеның беренче ункөнлегендә, 3сеннән 11нче мартка кадәрге чорда, ветеринария службалары түбәндәге регионнарда терлекләрнең йогышлы авырулары теркәлүе хакында искәртәләр: Волгоград, Ростов , Смоленск өлкәләрендә кабан дуңгызларында Африка чумасы, Калмыкия, Кабардино-Балкария республикаларында, Волгоград, Тула өлкәләрендә, Краснодар краенда мөгезле эре терлекләрдә бруцеллез авыруы. Февраль аенда Башкортостан республикасында котыру авыруы үзен сиздереп алган. Шуңа күрә Минзәлә район ветеринария берләшмәсе терлекләрдәге мондый йогышлы авыруларның таралуына юл куймас өчен бөтен саклык чараларын күрергә киңәш итә.