Чын күңелдән

Кадерле минзәләлеләр!

Сезне искитмәле язгы бәйрәм - 8 Март - Халыкара хатын-кызлар көне белән чын күңелдән чыккан котлауларыбызны кабул итеп алыгыз!

Бу бәйрәм сезнең һөнәри яктан оста, хезмәт сөючән, зирәк, кайгыртучан, ягымлы һәм назлы булуыгыз, дөньяны нурга күмүегез өчен сезгә карата булган ихлас теләкләребезне җиткерергә уңайлы очрак ул. Уңышларга ирешүдә, уңайлылык тудыруда. Балалар тәрбияләүдә, гаилә учагының җылысын саклауда сезгә тиңнәр юк.

Сез - безнең горурлыгыбыз! Безнең тормышыбызда шатлыклы очракларга урын күбрәк булсын иде. Сезгә һәм сезнең якыннарыгызга бәхет, саулык, шатлык, татулык, гаилә иминлеге телим. Язгы көнгә хас кәеф күтәренкелеге һәм уңышлар Сезгә!