Минзәләлеләр Ризаэддин Фәхретдин укуларында катнаштылар

Лениногорск шәһәрендә Татарстан күләмендә Ризаэддин Фәхретдин исемендәге педагогик укулар узды.

Анда катнашу өчен республикабызның төрле мәктәпләреннән татар теле һәм әдәбияты укытучылары тарафыннан 380 ләп иҗади эш җибәрелде, шуларның 63е жюри тарафыннан иң яхшылары дип бәяләнде. Иң яхшылары арасында Минзәлә шәһәренең икенче урта мәктәбе укытучысы Рушания Зиязиева һәм 1 нче мәктәп укытучысы Резеда Фәррахова хезмәтләре дә бар. Алар Ризаэддин Фәхретдин исемендәге 12 нче педагогик укуларында мәгърифәтченең дүртенче буын туганнары белән очраштылар, өстәмә белем туплап, сертификатка ия булдылар.