Ятим балаларны торак белән тәэмин итү

Минзәлә районында тәрбиягә бала алган 38 гаилә бар, аларда 67 бала тәрбияләнә.

Райондагы 71 ятим бала фатирга чиратта тора. 2013 елда 2 ятим фатирлы булды, быел бу бәхет тагын 2 балага елмаячак. Ятим балаларны торак белән тәэмин итү нинди кануннарга нигезләнеп башкарыла? "Минзәлә" газетасының 17 гыйнвар санында Минзәлә муниципаль район башкарма комитетының балигъ булмаганнарга карата опека һәм попечительлек органының баш белгече Наталия Гататдинова белән әңгәмәдә ятим һәм ата-ана тәрбиясеннән мәхрүм балаларга торакка хокукка өстәмә гарантияләр хакында танышырга була.