Минзәлә
  • Рус Тат
  • Саклык чаралары күрәбез

    Терроризмны кисәтү һәм чит кешеләрнең үтеп керүенә юл куймау максатыннан, күпкатлы йортларның подвалларына, чардакларына Идарәче компания тарафыннан йозаклар куела.

    (Минзәлә, Флүрә Мусина, "Минзәлә-информ")Социаль челтәрләрдә шушы хакта информация урнаштырылгач, анда Эльвира Гилязетдинова мондый комментарий калдырган иде: ”Изыскательләр урамы, 4/11 йортында да йозак куелдымы икән? Бер ел сорап йөрибез инде”.

    Әлеге мәсьәлә буенча Минзәлә Идарәче компания директоры Роман Коротин болай диде:

    –Райондагы 173 күпкатлы йортның һәркайсында 3-4 подвал бар дип исәпләсәк тә, аларның саны шактыйга җыела, моннан тыш чардаклар бар. Аларга әледән-әле ревизия ясап торабыз. Без йозаклар урнаштырабыз, кайсыдыр шуларны ватып куя. Әлеге 4/11 йортындагы подвалның ишеген дә быел кышын ватканнар иде, безнең эшчеләргә аны ремонтлап куярга туры килде. Хәбәр итүегез өчен рәхмәт, йозакны бүген үк урнаштырып куячакбыз.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: