Минзәлә
  • Рус Тат
  • Фәрит Миргалимовның иҗаты

    Искитмәле бер кала Торган җирем шундый матур, Искитмәле бер кала. Үзе төзек, юллар асфальт, Теләгәннәр йорт сала. Утыртылган яшь агачлар Үсеп күккә үрелә. Йорт яннары, урамнары, Ак чәчәккә күмелә. Урамдагы скверлар Тартып тора күңелне. Гүзәллеккә сокланудан Күзләр яна түгелме? Хуҗалыклар газ ягалар Оныттылар күмерне. Чиста һава, чәчәк исе Озынайта гомерне....

    Искитмәле бер кала

    Торган җирем шундый матур,

    Искитмәле бер кала.

    Үзе төзек, юллар асфальт,

    Теләгәннәр йорт сала.

    Утыртылган яшь агачлар

    Үсеп күккә үрелә.

    Йорт яннары, урамнары,

    Ак чәчәккә күмелә.

    Урамдагы скверлар

    Тартып тора күңелне.

    Гүзәллеккә сокланудан

    Күзләр яна түгелме?

    Хуҗалыклар газ ягалар

    Оныттылар күмерне.

    Чиста һава, чәчәк исе

    Озынайта гомерне.

    Шәһәрнең нәкъ уртасында

    Зур мәйданлы парк бар.

    Ел әйләнә шунда барып

    Ял итәләр халыклар.

    Аллеялар, чәчәк төсе

    Күзнең явын алырлык.

    Декоратив агачларга

    Карап хәйран калырлык.

    Җыр-музыка каршы ала,

    Кешеләрне барсын да.

    Беркайчан да юл өзелми

    Культура-ял паркына.

    Бернигә дә мохтаҗлык юк,

    Эшлә, аша, ял да ит.

    Яшәешкә үпкәбез юк,

    Дөнья имин булсын тик.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: