Каберең кайда, әткәй?

Бөек Җиңүнең 70 еллыгын каршылап

Мирзаханов Габбас абзый истәлегенә

Гомер үтте, күрмәдек без

Әткәйне исән-көе.

Сугышка киткән әткәйне

Бүген дә көтә өе.

Кушымта: Кайтырсың дип, бүген дә

Көтәбез сине, әткәй.

Кайтырсың дип, көтте сине

Үзе үлгәнче әнкәй.

Дога кылыр идек барып,

Каберең кайда, әткәй?

Кушымта: Әнкәй дә көтте сагынып,

Нигә кайтмадың, әткәй?

Сугыш бетте, гомер үтте.

Кайтмады безнең әткәй.

Күрергә бик теләсәк тә,

Күрмәдек сине, әткәй.

Кушымта: Дога кылыр идек барып,

Каберең кайда, әткәй?