Газетага язылуның мәгънәсе нидә?

Ягъни, район газетасын алдыруның нинди мәгънәсе  бар дип җавап бирде ... ул шулай ук минем бүләгемнән дә баш тартты. Мондый кешеләргә нәрсә турында да булса аңлатып торуның файдасы юк.Шулай да шуны әйтәсем килә. Менә без хәзер бөтен көчебез белән Екатерина күперен торгызабыз. Мәгънәсе? Нигә? Уйлагыз әле, без инде күп нәрсән беркайчан да булса яңадан торгыза алмыйбыз. Киләчәк буынга без үзебездән соң нәрсә калдырабыз? Балаларыбызга, оныкларыбызга горурланырлык булсын өчен, без боларның барысын да торгызабыз, саклыйбыз  дип уйлыйм. Безнең шәһәрдә бүгенге көнгә кадәр патша заманында беренче саны чыккан газета чыгарылуы белән горурланырга ярамый дип уйлыйсызмы? Безгә 103 яшь! Нинди шәһәр, район моның белән мактана ала?! Бу безнең борынгы шәһәрдә һәрчак белемле, алдынгы карашлы кешеләр яшәвен раслый. Алар йөз елдан соң да  газетаны  саклап кала алдылар. Чөнки нәкъ менә безнең газета битләрендә үз хезмәтләре белән туган илен данлаган, Минзәлә, Минзәлә төбәге яшәсен һәм чәчәк атсын өчен бөтен көчен куйган вакыйгалар, аларның исемнәре һәм эшләре мәңгелеккә җуелып кала. Газетага елдан-ел язылып, киләчәк буыннар өчен тарихыбызны саклыйбыз. Газета юкка чыга икән – тарихыбыз да юкка чыгачак. Безне, минзәләлеләрне, туган-тумачаларыбызны хәтерләмәүче Иван дип атауларын телибезме? Менә  гади,  артык катлаулы булмаган мәгънәсе…

Материалны тулысынча район газетасының алдагы  санында укый аласыз.

Әлеге бүләкләр бәхетлеләрне “40 тартма” халыкка хезмәт күрсәтү үзәгендә көтә.