Минзәлә
  • Рус Тат
  • Һаман бер тырмага басабыз яки Җәзасыз калган явызлык хакында

    Сәүдә рәтләре янындагы бульвардан утыргычларның яртысын җимереп, яртысын урлап киттеләр дигәч, ышанмаган идем. Аңа хәтле фонтаннан ак­кан суда "крутой"ларның машина юдыруларын хәбәр иткәннәр иде. Әле­ге ике очрак буенча бү­генгегә хәтле админист­ратив җавапка тартылучы турында да хәбәр килеп ирешмәде. Димәк, явыз­лык тагын җәзасыз кал­ды.

    Полицияне генә гаепләп булмый. Төнгә анда пост куя алмыйлар бит инде.Әмма вандаллардан, җәмәгать урыннарында вак хулиганлык кылучы­лардан котылу чарасын табарга вакыт. Моның өчен һәр җимерү очрагы җавапсыз калырга тиеш түгел. Хәзер "Хөрмәтле яшьләр, матурлыкны җи­мермәгез, үз артыгыздан җыештырып йөрегез", дип вәгазь сөйләп кенә ко­тылып булмый. Теләсәк тә, теләмәсәк тә җир йө­зендә яшәүчеләрнең ин­теллектуаль дәрәҗәсе түбәнәя бара. Техника заманасы үскән саен, кыргыйлана барабыз, бу­гай. Шул ук вакытта без беркайчан да Европадагы эчке культура дәрәҗәсенә күтәрелә алмаячакбыз.Анда законнарны хөрмәт итүче шәхес культы дистә еллар тәрбияләнде. Без­дә ул һаман формалаша алмый. Хәер, Европа ил­ләрендә чисталык кагый­дәләрен бозучыларны, хулиганлык кылучылар хакында законтыңлаучан гражданнар полициягә хәбәр итәләр. Ә бездә менталитет киресенчә - әйтсәң "стукачество". Менә шул Европа ил­ләрендә хулиганнарга җәзә бирү белән беррәт­тән, профессиональ җы­ештыручылар да җитәр­лек. "Чистота не там - где убирают, а там - где не сорят" дигән лозунгны авыл киномеханигы буд­касында күргән идем. Ә икенче почмакта тәмәке төпчекләре һәм чүп аунап ята иде. Әйтәсе килгә­нем шул, язу күзгә күре­неп торса да, мәгънәсен югалта башлый. Әйтеп тору да шулай ук бер ко­лактан керә, икенчесен­нән чыга башлый. Шуңа салым яки коммуналь хезмәтләр өчен түләү­челәр акчасына җәмәгать урыннарында профессио­наль җыештыручылар да тотылырга тиеш. Юкса, иртән урамнар җыешты­ручы берничә хатын-кыз гына шәһәрне чиста тота алмаячак.

    P.S. Материал әзер булганда шимбәдән як­шәмбе иртәсендә те­атр скверы янында менә шундый хәлгә тап булдык. Яшьләр төнлә "Пәри туе" үткәргән­нәр. Ә җыештыручы бу тәртипсезлеккә район башлыгы игътибар ит­кәч кенә пәйда булды. Явызлык кылынды, җәза бирелмәде. Димәк, тәр­типсез ял итүләр дәвам итәчәк.

    Нравится
    Поделиться:
    Реклама
    Комментарии (0)
    Осталось символов: