Бу көннәрдә шәһәр урамнары, йорт яны территорияләре торышын күзәттек.
"Шәһәр чиста һәм матур булсын иде. Чүп җыю урыннары күп, көнкүреш калдыклары өстенә төзелеш чүп-чарын түгү сәбәпле, машиналар өлгерә алмый. Халыкка теләк бер - йорт янын җыештыру буенча шимбә өмәләре уздырсыннар иде", - диде "Чистый город" МУП директоры Алексей Вышенский.
Атлар мәйданындагы шәхси йорт яны терри- торияләрен, шулай ук күп- фатирлы йортлар янын карадык. Әйтергә кирәк, оешмалар да, шәхси затлар да территория җыештыруга керешмәгән. Юл читләренә елның бу фасылына хас булганча, шешәләр, кәгазь-картон, пакетлар һәм башка төр чүп-чар чәчелгән. "Үз территориябезне һәрчак җыештырабыз, бераз иртәрәк әлегә. Йортта яшәүче халык бердәм, бергәләп җыештырабыз", - диделәр биредә яшәүчеләр.
Шәхси секторда исә хуҗалар үзләре йорт янын тәртипкә салырга тиеш. Тикшерүдән күренгәнчә, хуҗалар чисталык булдырырга тырышалар. "Чистый город" МУП каршында апрель ахырына кадәр санкцияләнмәгән чүп түгү урыннарын бетерү, парк һәм скверларны тәртипкә китерү бурычы тора. Эшнең сыйфатын яхшырту максатында район башлыгы һәр урам буенча җаваплы затлар билгеләде. Редакция коллективы Комсомольская
урамы өчен җаваплы. Апрель ахырында җирле телевидение вәкилләре бу урамда булачак.
Бу таләпләрне үтәмәгән очракта гражданнарга административ хокук бозу турында беркетмә язылып, штрафлар салыначак.
Иң мөһим һәм кызыклы язмаларны Татмедиа Telegram-каналында укыгыз
