"ТАТМЕДИА" ачык акционерлык җәмгыяте агымдагы елның икенче яртысына матбугатка язылу кампаниясе кысаларында әбүнәчеләр өчен "Ipad за подписку" дигән акция оештырган иде. Ул агымдагы елның 12 маеннан 30 июненә кадәр чорда күпләп газета-журналларга язылучылар арасында үткәрелде. Әлеге конкурста 120 әбүнәче катнашты. Шушы араларда конкурста җиңүчеләр мәгълүм булды. Иң зур бүләк -...
"ТАТМЕДИА" ачык акционерлык җәмгыяте агымдагы елның икенче яртысына матбугатка язылу кампаниясе кысаларында әбүнәчеләр өчен "Ipad за подписку" дигән акция оештырган иде. Ул агымдагы елның 12 маеннан 30 июненә кадәр чорда күпләп газета-журналларга язылучылар арасында үткәрелде.
Әлеге конкурста 120 әбүнәче катнашты. Шушы араларда конкурста җиңүчеләр мәгълүм булды. Иң зур бүләк - Apple iPad 4 Retina иясе кем соң? Ул Түбән Камадан Нурзия Мирзахова. Нурзия Рәшитовна 2483,22 сумлык газета-журналларга язылган. Конкурста катнашучыларның 50се кызыксындыру призларына ия булды, алар башкаларга караганда кимендә өч төрле матбугатка алданрак язылучылар. Шундый әбүнәчеләр арасында районыбызның Түбән Тәкермән авылыннан укытучы булып эшләүче Миләүшә Фәррахова да бар. Миләүшә 1110 сумлык газета-журналларга язылган. Җиңүчебезгә кызыксындыру призы шушы көннәрдә булып үткән авыл җыенында, барлык авылдашлары каршында тапшырылды.
Миләүшә конкурс хакында район газетасыннан укып белгән, "Гаилә һәм мәктәп" журналының тышлыгында да күргән.
-Мин болай да вакытлы матбугатка күп язылам, ләкин конкурс тагын да ымсындырды, бәлки Ipad отармын дип өметләндем. Бу яртыеллыкта 7 төрле матбугатка язылдым. Кызларым кечкенәләр әле, Зөлфиягә 8 яшь, Сәриягә 4 яшь, шуңа күрә аларга дип тә, эшемдә кулланырга дип тә балалар өчен журналлар алдырам. Гаиләбез белән "Гаилә һәм мәктәп", "Тылсымлы куллар", "Непоседа", "Тридевятое царство", "1000 советов" журналларын, "Көмеш кыңгырау", "Акчарлак", "Ирек мәйданы" кебек газеталар укыйбыз. Иң беренче "Минзәлә" газетасына язылып куям. Ирем Алмаз да, кайнанам Зөлхидә дә көтеп алабыз газета-җурналларны. Дөресен әйткәндә, өебездә бер Ipad бар иде инде, конкурста җиңсәм, анысын мәктәптә кулланырмын дип уйлаган идем. Шуңа күрә конкурс нәтиҗәләрен көтеп тордым, гел җиңеп чыгармын кебек тоелды. Конкурс оештырылса, тагын катнашырга исәбем бар. Китаплар өчен дә, редакция биргән "ТАТМЕДИА" логотибы төшерелгән сувенир кружка һәм үзебезнең район турындагы китаплар өчен дә бик зур рәхмәт!
Фәрүсә Юмаева, Югары Тәкермән почта бүлекчәсе начальнигы:
Миләүшә Фәррахова Түбән Тәкермән авылында яши, Югары Тәкермән төп гомуми белем бирү мәктәбендә 17 ел башлангыч сыйныфларны укыта. Ул авылдагы иң актив әбүнәчеләребезнең берсе.
САН
Югары Тәкермән авыл җирлегендә 370 хуҗалыкта 900гә якын кеше яши. Бу яртыеллыкта тәкермәнлеләр 733 данә газета-журналларга язылган (план үтәлеше 106 процент). "Минзәлә" газетасын 68 гаилә алдыра. Безнең уйлавыбызча, азрак!
Рәсем астына: "ТАТМЕДИА" ААҖ бүләкләре өчен Миләүшә Фәррахованың сөенече эченә сыймады.
Иң мөһим һәм кызыклы язмаларны Татмедиа Telegram-каналында укыгыз
