Минзәлә
  • Рус Тат
  • “Минем шәһәрем – минем кайгыртуым”

    В.А.Сухомлинский кешегә белем һәм тәрбия бирүдә табигатьне иң мөһим чара дип санаган. "Үсмер бала өчен табигать, иң беренче чиратта, культура мәктәбе булып тора... Табигать матурлыгы үтә нечкә хисләр тәрбияли, адәм баласының матурлыгын тоярга ярдәм итә, игелек чыганагы булып тора, аның гүзәллеге кешенең рухи дөньясына тәэсир итә", - дип ассызыклый ул.

    Кешелеклелек, ягъни игелеклелек, янәшәдә яшәүче кешеләргә, табигатькә җаваплы мөнәсәбәт тәрбияләүне без экологик тәрбия төшенчәсенә кертәбез. Шушы максаттан чыгып, гаиләгә һәм балаларга социаль ярдәм күрсәтү бүлекчәсе хезмәткәрләре тарафыннан "Минем шәһәрем - минем кай­гыртуым" исемле эколо­гик программа проекты эшләнде. Әлеге проект ТРда "РИТЭК" ААҖ со­циаль һәм мәдәни про­ектлар конкурсында кат­нашып, грант отты.

    Бу программа партнерла­рыбыз "Минзәлә урман­чылыгы" ДКУ, Балалар иҗат йорты, "ТАТМЕДИА" ААҖнең "Минзәлә" МРҮ филиалы ярдәме белән ун ай дәвамында тор­мышка ашырылды.

    Әзерлек этабында шә-һәрнең экологик пробле­маларын өйрәнү буенча мониторинг эшләнде, "Шәһәребез проблема­лары" баш астында ха­лык арасында анкеталау уздырылды.

    Төп эш икенче этапта үтте. Уздырган барлык чаралар да экологик белемнәрне киңәйтү һәм ныгытуга; балалар­да әйләнә-тирә мохитны саклау өлкәсендә актив тормыш позициясе һәм әхлакый принциплар бул­дыруга, инандыру һәм күнекмәләр булдыруны формалаштыруга, Туган илгә, туган якка мәхәббәт хисләре тәрбияләүгә юнәлдерелде.

    Балаларның экология буенча белем дәрәҗәсен ачыклау максатында "Танышу" дәресе, "Яшел урманнар һәм урман могҗизалары турында" викторина планлашты­рылды. "Табигатьнең дәгъва китабы" исем­ле танып белү уены табигатьне саклауга, Татарстанның Кызыл ки­табына кертелгән хай­ваннар һәм үсемлекләр дөньясы белән танышуга багышланды.

    Паркта узган "Экологик ориентлашу" чарасы күрү аша хәтерне үстерүгә, урында ориентлашу, урынның план-схемасын уку һәм реаль вакыйга­лар белән тәңгәлләштерү күнекмәләрен булдыру­га юнәлтелде. Этаплар бер-берсеннән ерак

    Нравится
    Поделиться:
    Реклама
    Комментарии (0)
    Осталось символов: