Минзәлә
  • Рус Тат
  • Минзәләдә – ТР Профсоюзлар Федерациясе көне

    ТР Профсоюзлар Федерациясе менә шул рәвешле ел саен республиканың шәһәр һәм районнарда традициягә әверелгән эш формасы алып бара. Бүгенге көндә Федерация 830 мең профсоюз әгъзасын - 30 төргә якын тармак һәм 30 мең профсоюз оешмасын берләштерә. ТР Профсоюзлар федерациясе көне кысаларында бүген, 19 июньдә, Минзәлә шәһәренең Балалар иҗат йортында район...

    ТР Профсоюзлар Федерациясе менә шул рәвешле ел саен республиканың шәһәр һәм районнарда традициягә әверелгән эш формасы алып бара. Бүгенге көндә Федерация 830 мең профсоюз әгъзасын - 30 төргә якын тармак һәм 30 мең профсоюз оешмасын берләштерә. ТР Профсоюзлар федерациясе көне кысаларында бүген, 19 июньдә, Минзәлә шәһәренең Балалар иҗат йортында район җитәкчелеге, профсоюз активы, эш бирүчеләр вәкилләре, кадрлар эше, хезмәтне саклау, юридик хезмәт белгечләре катнашында семинар-киңәшмә булды. Семинарда катнашучыларны Минзәлә муниципаль район башлыгы вазыйфаларын башкаручы Фәис Вагыйзов сәламләде. ТР Профсоюзлар Федерациясе рәисе урынбасары татьяна Васильева аудитория алдында Профсоюзлар Федерациясе эшчәнлегендәге актуаль мәсьәләләргә, агымдагы һәм киләчәктәге бурычларга тукталды. -Федерациянең бүгенге эшчәнлегендә төп максат - шәһәр һәм районнар белән бергәләп эшләү, аларның икътисадый яктан үсеше, социаль тотрыклылыгы. Узган ел республиканың профсоюзлары инициативасы буенча 17 нче республика килешүенә кул куелды. Безнең Федерация һәм эш бирүчеләр берләшмәсе Координацион советы, ТР Министрлар кабинеты арасында төзелә торган мондый килешү социаль-икътисадый сәясәт үткәрү һәм социаль партнерлыкны үстерү хакында. Узган ел 24 тармакара, 172 территориаль һәм территориаль-тармакара килешүе һәм 5 меңгә якын килешү төзелде. Соңгы еллар эчендә безнең тарафтан күп эшләр башкарылды, шуларның нәтиҗәсе буларак республика буенча уртача хезмәт хакы үсешенә, эшсезлек дәрәҗәсен киметүгә, социаль ташламаларга ирешелде. Әмма башкарасы эшләр дә аз түгел әле, - диде Татьяна Юрьевна. ТР Профсоюзлар Федерациясе аппараты белгечләре: бүлек начальнигы урынбасары- хезмәт буенча хокукый инспектор Лариса Бушмелева, бүлек начальнигы урынбасары- хезмәт буенча техник инспектор Николай Клевачев, аппарат җитәкчесе урынбасары-оештыру эшләре буенча бүлек начальнигы Әлфия Хәсәнова, Федерациянең баш бухгалтеры Регина Ярушкина - профсоюзлар эшчәнлегенең кайбер өлешләренә - хезмәтне саклау, хезмәткәрләрнең пенсиягә булган хокукларын яклау мәсьәләләренә тукталдылар, хезмәт закончалыклары буенча аңлатмалар, рекомендацияләр бирделәр. Соңыннан Федерация аппараты белгечләре консультация үткәрделәр, киңәшмәдә катнашучылар биргән сорауларга җавап бирделәр.

    Нравится
    Поделиться:
    Реклама
    Комментарии (0)
    Осталось символов: