Минзәлә
  • Рус Тат
  • Намуслары бар икән әле

    Район административ комиссиясе членнары Юртау бистәсендә күпфатирлы йортларда яшәүчеләрнең торак-коммуналь хезмәтләр өчен бурычлары күп җыелган фатир хуҗалары белән күзгә-күз карап сөйләшергә булдылар.

    Бистәдәге күпфатирлы йортларда яшәүчеләрнең то­рак-коммуналь хезмәтләр өчен бүгенге көндә 200 мең сум бурычлары бар. Комиссия тикшерүенә 6 мең сум­нан алып 20 мең сумга кадәр бурычлары булганнар чакырылган иде. Аларның күбесе я шактый вакыт эш­сез йөргән, я бер түбә астында яшәүчеләр ишле бул­са да, гаиләдән берүзе генә эшләүчеләр дә, прописка­лары шушы җирлектәге фатирда булып, башка җирдә яшәүчеләр дә бар,"хезмәт хакы аз" дигән сылтау та­бучылар да булды. Керемнәре аз булган гаиләләргә торак-коммуналь хезмәтләр өчен түләүләрнең бер өлешен каплауга субсидия бирелә, андый гаиләләр дә бар, әмма кайберләре субсидия алса да, барыбер түләргә ашыкмыйлар. Андыйларга банкта счет ачып, акчаларын ЕРЦга күчерү кирәклеге турында әйтелде.

    Комиссия эшен яктыртырга дип район газетасы хезмәткәре белән бергә телеоператор да барды. Шунысын әйтергә кирәк, безнең камера күтәреп кергән операторыбызны күрүләре булды, бурыч­лылар берәм-берәм таралышып беттеләр дияр­лек. Юртау авыл җирлеге башлыгы Ирек Юсупов бу хәлгә борчылып безне "шелтәләп" тә алды. Ләкин комиссиядәгеләр: "оятлары бетмәгән икән" дип, алар­га карата үзләренчә нәтиҗә ясадылар. Хәер, урын­нарга чыгып, бурычлыларны шулай "селкеткәләп" алу кирәк, ахрысы. Комиссия белән сөйләшүдән соң хуҗалыкта эшләгәннәре хезмәт хакы алуга ук бурыч­ларын капларга вәгъдә бирделәр.

    Нравится
    Поделиться:
    Реклама
    Комментарии (0)
    Осталось символов: