Районыбызның легендар көрәшчеләренең берсе Әзһәр ага Галимов вафат

Ул диндә иде, аның вафаты изге айга туры килде. Изге айда вафат булган кешеләрне туп-туры оҗмахка да керә дип әйтәләр. Әзһәр абыйга 83 яшь иде. 

Әзһәр абый Минзәлә АТПсында механик булып эшләде. Лаеклы ялга чыккач шәһәребезнең 3 нче урта мәктәбендә дә хезмәт куйды. Заманында Актаныш, Минзәлә районы авыл сабантуйларында абсолют батыр булып калган шәхес ул. Республика күләмендә дә район данын яклап көрәште, ветераннар арасында да батыр булып калган иде.