Россиянең тулы хокуклы гражданы булдылар

Әлеге тантанада район башкарма комитеты җитәкчесенең социаль мәсьәләләр буенча урынбасары Нэля Бикеева, “Бердәм Россия” сәяси партиясенең Минзәләдәге җирле бүлегенең башкарма сәркатибе Роза Салдаева,  район ЗАГС бүлеге начальнигы Анна Куприянова, район мәдәният бүлеге җитәкчесе Рәзилә Галиева  катнаштылар. Яшь гражданнар Татарстаныбыз тормышы һәм яшьләребез турында видеоролик карадылар, космонавтика тарихы турында шактый гына мәгълүмат тупладылар. 14 яше тулган 9 балага төп документ-паспорт тапшырылды. Чара азагында балалар илебезнең лаеклы граҗданнары булырга тантаналы төстә ант бирделәр.