Минзәлә
  • Рус Тат
  • Юл чокырларын тигезлиләр

    Шәһәребездә юл чокырларын тигезләү оешкан төстә башланып китте.

    "Быел 1 мең кв метрда ремонт уздырырга исәплибез. Җирле бюджеттан 543 мең 541 сум акча бүленеп бирелде. Күп кенә урамнарда вак таш, кайбер урыннарда асфальт җәеләчәк", - ди "Чиста шәһәр "МУП дирек­торы Алексей Вышенский.

    Урыны-урыны белән чокырлар ун-унбиш сантиметр тирәнлек- кә җитә! Бу юл хәрәкәте өчен турыдан-туры куркыныч туды­ра. "Безнең юллар мисалында әйтсәк, биредә чокырлар ре­монтлап кына мәсьәләне чи­шеп булмый. Юлны өр-яңадан башлап, асфальт түшәргә кирәк. Тулаем алганда, шәһәр буенча ремонт таләп итүче чокыр-чакырлар җитәрлектер. Бездә бит шулай - башта ас­фальт җәяләр, аннары шул ук урынны казып китәләр, әмма үзләре артыннан төзәтүче генә юк. Шуннан балалар үтеп йөри, бик тә куркыныч", - ди Запад­ная урамында яшәүче Артем Атласов.

    План буенча ун урам иң бе­ренче чиратта ремонтланырга тиеш. Ремонт эшләрен дүрт берәмлек техника: каток, щет­калар, МТЗ-82, КамАЗ базас­ында фрезалар башкара.

    Нравится
    Поделиться:
    Реклама
    Комментарии (0)
    Осталось символов: