Минзәлә
  • Рус Тат
  • Фәния Сәлахова иҗаты

    Берәүгә Көн-төн акча суга, Һаман җитми аңа! Кеше хакы дими, Үзе тир түкми, Читләр көченнән файдалана. Тыңлап торсаң, әгәр, шул ук адәм, Башка кешеләргә караганда, күбрәк зарлана. -Мине генә кояш урап уза! - ди ул. - Көлтә нурын сибеп җылытмый! Миңа гына бәхет ачкычларын Төшермәгән күктән болыт! - ди. Канәгать...

    Берәүгә


    Көн-төн акча суга,
    Һаман җитми аңа!
    Кеше хакы дими,
    Үзе тир түкми,
    Читләр көченнән файдалана.


    Тыңлап торсаң, әгәр,
    шул ук адәм,
    Башка кешеләргә караганда,
    күбрәк зарлана.


    -Мине генә кояш урап уза! - ди ул. -
    Көлтә нурын сибеп җылытмый!
    Миңа гына бәхет ачкычларын
    Төшермәгән күктән болыт! - ди.

    Канәгать түгел ул якты көннән,
    Туган-тумачадан ваз кичкән.
    Бер уйлап карасаң, бу тормышта
    Нәрсәгә генә бу адәм ирешкән?

    Көннәрең - төн, - диеп уфтанганчы,
    Чит язмыштан гыйбрәт алгала.
    Кемдер, әнә, төнлә ай яктысын күреп,
    - Нинди якты!
    Инә сапларлык! - дип куана.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: