Минзәлә
  • Рус Тат
  • Гүзәлия Исламова - "Урынсыз сорау"

    Минзәлә шагыйрь - язучылары иҗаты белән таныштыруны дәвам итәбез.

    Бер танышым бер көн сорау бирде ,
    Ирен чите белән елмаеп:
    - Шигырь язасың син бик тырышып ,
    Бармы файда , буламы баеп ?

    Уйнап әйтәме бу , чынлапмы , дип ,
    Мин текәлеп аңа карадым.
    Астан гына карап торуыннан
    Мыскыл иткәнлеген аңладым.

    Шигырь язып , баеп булмый шул ул , -
    Дигән җавап , бәлки , көткәндер.
    Шәп сорадым , телсез калды әле ,
    Дигән уйда башыннан үткәндер...

    Ә мин тыныч кына , киң елмаеп ,
    — Баедым шул , әллә белмисең ,
    Кара әле , күпме дуслар таптым ,
    Аларны син нигә күрмисең ?

    Шундый дуслар булу - үзе байлык !
    Хәер , димен , сиңа бу яттыр...
    Рухи байлык - байлык түгел мени ?
    Уйла әле тагын бер тапкыр !?...

    Шул сораудан куңелемә минем
    Авыр булып тора һаманда.
    Ни әйтәсең , алдын - артын белми
    Сөйли алган мондый наданга...

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: