Минзәлә
  • Рус Тат
  • Гүзәлия Исламова - "Әйтәсе дә килми 63 яшь дип, Уйлыйсы да килми ул хакта..."

    Минзәлә районы шагыйрьләре иҗаты белән таныштыруны дәвам итәбез.

     

    Әйтәсе дә килми 63 яшь дип ,
    Уйлыйсы да килми ул хакта.
    Кай арада узып киткән гомер,
    Әйтерсеңлә чапкан пар атта.
    Узганнарын сизмәдем , ай , диеп
    Юкка җырланмый шул такмакта.

    Туктатыплар булса гомерләрне ,
    Әй , картаймас идек һич кайчан.
    Борып булса әгәр вакытларны,
    Туар идек бәлки яңадан.
    "Яшьлек" дигән илдә калу өчен ,
    Чараларын табыйк кайлардан?

    Аяк терәп карышсаң да булмый,
    Килә икән килә картаю .
    Үзем көлгән булам: ,,Нинди картлык?'
    Урманда ул димен карт аю...
    Тик йөзлэрне җыерчыклар сарган ,
    Күңелләргә кергән моңаю.

    ,, Гомер көзе " диләр картаюны ,
    Көз дә матур - сары - алтыннан.
    Иртәләрем якты булсын , диеп ,
    Теләк телим йоклар алдыннан.
    Иртән күзем ачсам шатланамын,
    Кәнагатьмен туган таңымннан.

    Картлык - шатлык түгел , димим әле ,
    Сөенеп керәм гомер көзенә.
    Ходай биргән гомерләрне яшәп ,
    Җитәрмен дә бәлки йөзенә.
    "Үз - үзеңне ипләп йөртеп тор!"- дип ,
    Һәр көн теләк телим үземә.

    Зарланма әле, димен , бар шундыйлар ,
    Синең яшькә җитми киткәннәр.
    Алар да бит алтын гомер көзен ,
    Күрербез , дип , өмет иткәннәр.
    Тик безнеңчә генә түгел тормыш ,
    Насыйп булмый безнең көткәннәр.

    Уфтанмыймын эле 63 дип ,
    Кайгы тугел шулай булуы.
    Балаларым исән- сау булсыннар ,
    Шатлык оныкларның тууы.
    Һәр көн саен әңкәм хәлен беләм ,
    Бәхет аның исән булуы.
    Гүзәлия Исламова.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: