Үпкәләмә, әнием!!!

Кайт әле, син, туган нигезләргә
Көтәр кешеләрең булганда.
Сагнуыңны көйгә салып җырла,
Күңелләрең кинәт тулганда
Кушымта:
Еш кайталмыйм синең яңнарыңа -
Үпкәләмә, әнием, гафу ит.
Бүген кайталмадым, иртәгәсен
Юлга чыгам, әнием, мине көт!

Тәрәзәдән күзен алмый гына,
Әнием көтә мине сагынып
Кочаклыйсым килә, сабый сыман,
Иңнәреңә синең салынып.
Кушымта:
Еш кайталмыйм синең яңнарыңа -
Үпкәләмә, әнием, гафу ит.
Бүген кайталмасам, иртәгәсен
Барыбер кайтам, әнием, мине көт!

Гомер үтә, без дә картаябыз,
Көн артыннан еллар үтәләр.
Тик әниләр газиз балаларын
Барыбер кайтырлар дип көтәләр.
Кушымта:
Еш кайталмыйм синең яңнарыңа -
Үпкәләмә, әнием, гафу ит.
Бүген кайталмасам, ачуланма,
Көт син мине, әнием, мине көт!