Син туганда

(беренче президентыбыз Минтимер Шәрип улының

туган көненә багышлап)

Син туганда ап-ак карлар яуган,

Кар очыртып җилләр уйнаган.

Ул чакларда әле "Ил башлыгы

туды" - диеп кемнәр уйлаган.

Син туганда ап-ак карлар яуган,

Ак биләүгә әнкәң биләгән.

Күңеленнән бишек җырын көйләп,

"Бәхетле бул", - диеп теләгән.

Син туганда ай елмаеп торган,

Якты нурын җиргә койгандыр.

Фәрештәләр озын гомер теләп:

"Минтимер" дип исем куйгандыр.

Син туганда буран елагандыр,

Әллә кояш көлеп торгандыр.

Газиз әнкәң тәүге күлмәгеңне

Чишмәләрдә чайкап югандыр.

"Акыллы бул, изгелекләр кылып

Озак яшә, улым" - дигәндер.

Теләкләре кабул булгандыр!!!

Сиксән яшь - ул аз да түгел,

Күп тә түгел.

Унсигездә генә булгач

Әле күңел.

Үткән елларны кайтару

мөмкин түгел.

Без җирдә яшьнәп яшәдек,

Юкка түгел,

Юкка түгел!!!