Алтынкаем минем, кояшым!

Тиздән Гашыйклар көне. Әлеге көнне һәркем якын күрә һәм түземсезлек белән көтеп ала, бигрәк тә бер-берсен яраткан парлар. Бу көнне дусларыңа тәбрикләү сүзләрен юллый, ә сөйгәнеңә тагын бер кат ярату сүзләреңне җиткерә аласың.

Менә без дә - редакция коллективы да - шушы форсаттан файдаланып котлаулар арасында конкурс оештырып алырга булдык әле. Шушы форсатны сез дә кулдан ычкындырмагыз, Гашыйлар көне уңаеннан сөйгәнегезгә карата котлауларны безнең газета аша юллагыз, котлау тексты - фәкать 50 сум! Бер шарты бар - котлау тексты 15-20 сүздән артмасын. Ә без шулар арасыннан ихлас күңелдән әйтелгәнлеге сизелеп торган иң матур, иң кайнар котлауны сайлап алачакбыз.

Җиңүчегә - редакциянең махсус бүләге! Әйдәгез, киттек! Көннәр санаулы -котлауларны 11 февральгә кадәр кабул итәбез һәм алар газетада 13 февральдә басылып чыгачак.

Сорауларыгыз туса, 3-28-32 телефонына шалтыратыгыз.