Гамил Афзал укуларында минзәләлеләр сынатмады

Актаныш районы "Сәләтле балалар өчен гуманитар гимназия-интертат"ында II Республикакүләм Гамил Афзал укулары узды. Бу конференциядә безнең районның 2 урта мәктәбенең татар теле һәм әдәбияты укытучысы Минегалиева Илгизә Мансур кызы һәм Кадетлар интернат мәктәбенең татар теле һәм әдәбияты укытучысы Хамматова Гүзәлия Габделәхәт кызы катнаштылар. Конференция эшендә филогия һәм сәнгать институты тәрҗемәчелек һәм мәдәниятара аралашу бүлеге мөдиренең фәнни эшләр буенча урынбасары, филология фәннәре кандидаты, доцент , дәреслекләр авторы Фәтхуллова Кадрия Сөнгат кызы катнашты һәм укытучыларның икесенә дә Татарстан Республикасы һәм фән министрлыгының III дәрәҗә дипломын тапшырды. Котлыйбыз!!!