Искәндәр Гыйлаҗев “Тайфун”ы белән быел 8 сабантуенда катнашкан һәм бишесендә беренчелекне алган

Районыбызның Җәмәк авылы егете Искәндәр Гыйлаҗев Чаллы шәһәренең Кама политехника институтының автомеханика факультетында өченче курста укый. Быел Искәндәр "Тайфун" кушаматлы атта 8 сабантуйда катнашып, барысында да призлы урыннар яулады, бишесендә, шул исәптән Минзәлә район сабантуенда да, беренчелекне алды.

- Атлар белән кечкенәдән үк кызыксынам, бабам да, әтием дә ат караучылар иде. Ә сабантуйларда алты ел рәттән катнашып киләм, - ди Искәндәр.

Атның хуҗасы Нургали Гыйлаҗев тормыш иптәше Рәйханә белән гомере буена терлекчелектә эшләүчеләр. Алар "Тайфун"ны ел буе яхшылап тәрбиялиләр, чабышка әзерлиләр. Яхшы тәрбия алган ат исә хуҗаларын сынатмый.