Котлау сүзләре

8 июнь - Социаль хезмәткәр көне. Шушы уңайдан редакциягә район социаль яклау бүлеге начальнигы Татьяна Мясниковадан котлау телеграммасы килде. Анда мондый юллар бар: "Хөрмәтле хезмәттәшләребез, Сез һәрвакыт яклауга мохтаҗ кешеләр янында, өлкәннәр, ветераннар, инвалидлар турында кайгыртасыз, күпбалалы гаиләләргә һәм караучысыз калган балаларга ярдәм итәсез. Хезмәтебез шәфкатьлелек, түземлек, хезмәт сөючәнлек, шул ук вакытта зур җаваплылык таләп итә...Барлык хезмәткәрләргә, ветераннарга намуслы хезмәтләре, кешеләргә яхшы мөнәсәбәтләре өчен зур рәхмәтемне җиткерәм, саулык, күңел тынычлыгы, гаилә иминлеге телим".