Минзәлә районында быел 8 янгын булган

Янгын вакытында бер кеше зыян күргән, ярый әле үлүчеләр юк. Узган ел шушы чорда 11 янгын теркәлгән, ә янгын вакытында бер кеше һәлак булган иде. Узган елның 15 апреленнән 31 маена кадәрге чорда районда 9 янгын теркәлгән, янгын аркасында килгән зыянның күләме 670 мең сумнан артып китә. Корыган үлән яндыруның 9 очрагы теркәлгән. Минзәлә районы буенча күзәтчелек эшчәнлеге бүлекчәсе республика территориясендә 25 апрельдән алып 15 майга кадәр янгынга каршы махсус режим кертелүе турында хәбәр итә. Янгын куркынычсызлыгы таләпләрен үтәмәгәннәргә 2 мең сумнан алып 4 мең сумга кадәр штраф рәвешендә административ җаваплылык каралган.