“Пробный” хаталарын кабатламаска иде

Быел районыбызның 295 тугызынчы сыйныф укучысы мәктәп тәмамлый. Апрель аенда укучылар тапшырган "пробный" ДЙА нәтиҗәләрен китерәбез. Математиканы 328 кеше тапшырган, алар белән бергә теләкләре булган сигезенчеләр дә үз көчләрен сынап караган. Нәтиҗәдә сыйфат ("4" ле, "5"ле билгеләре буенча) - 12,5%, өлгереш ("2"ле билгесез) - 42%. Рус телен 178 кеше тапшырган, сыйфат - 16%, өлгереш - 65%, информатика - 20 кеше (50 һәм 100 % нисбәтендә), җәмгыять белеме - 38 (29 һәм 90%), химия - 5 (80 һәм 100%), география - 12 (33 һәм 83%), биология - 18 (28 һәм 83%), физика - 18 (6 һәм 72%), тарих - 1 (0 һәм 100%), әдәбият - 1 (0 һәм 100%). Укучыларыбыз "пробный" аттестация нәтиҗәләрен истә тотып, яхшылап әзерләнерләр һәм имтиханнарын уңышлы тапшырырлар дип ышанасы килә.