Программа эшен дәвам итә

Халыкны эш белән тәэмин итү үзәге директоры Татьяна Сәмигуллина сүзләренчә, хәзер үзмәшгульлек программасы буенча бер тапкыр бирелә торган финанс ярдәменең күләме 117600 сум (моңа кадәр 58800 сум иде) тәшкил итә. Шуңа бәйле рәвештә контроль күрсәткечләр ике тапкырга кимегән, ягъни 22 кеше урынына 11 кеше генә әлеге программадан файдалана алачак. Бизнес-план үрнәкләре эшкәртелүгә бирелгән, эксперт төркем аларны уңай кабул иткән очракта, эшсез гражданнар юридик зат, шәхси эшмәкәр яисә крестьян хуҗалыгында эшләүче буларак теркәлеп, үз эшен башлый алачак.