Ут белән сак эш итмәү бәласе

13 гыйнварда кичке уннар тирәсендә шәһәрнең Азин урамы, 10 йортында янгын булды. Бу хакта хәбәр алынуга бирегә 122 нче янгын частеның 2 бүлеге килеп җитә. Янгын сүндерү ярты сәгатькә кадәр дәвам итә. Чакыру соң алынганга йортның шифер белән капланган түбәсен саклап калу мөмкин булмый. Бәхеткә, салмыш хуҗа белән кунак исән калалар. Янгынның сәбәбе төгәл ачыкланмаган әле, әмма аны ут белән саксыз эш итү аркасында - сүндерелмәгән тәмәке төпчегеннән чыккан булырга мөмкин дип фаразлыйлар.