2 нче мәктәп укучылары сулык ярларын чистарту буенча бөтенроссия акциясендә даими катнашалар

 
 Минзәлә шәһәренең 2 нче урта мәктәбе  «Экология» милли проектының «Уникаль су объектларын саклау» федераль проектының бер өлеше булган сулык ярларын чүп-чардан чистарту буенча «Россия суы» («Игелекле эшләр яры») бөтенроссия акциясенә кушылды. Әлеге акция кешеләрне табигатькә сакчыл карарга өнди. 
"Эко-тайм" экологик хәрәкәте активистлары Кучканка буасы ярында чираттагы акциягә җыелды, бик бердәм һәм дус эшләделәр. Алар бу авыр эшне җиренә җиткереп башкардылар, территорияне чүп-чардан чистарттылар.

 "Безнең көннәрдә экология иң мөһим фәннәрнең берсе, әмма аның чәчәк атуы әле алда", - дип билгеләп үтә акциядә катнашучылар.