2021 ел нәтиҗәләре буенча Минзәлә районы республика рейтингында + 24 урынга күтәрелде

(Илшат Вагыйзов, “Минзәлә информ”) 2021 ел гыйнвар-декабрь нәтиҗәләре буенча Татарстан Республикасы социаль-экономик үсеш рейтингында Минзәлә районы 45 муниципаль берәмлекләр арасында 13 нчы урынны били. 2020 ел белән чагыштырганда күтәрелеш + 24 баскыч тәшкил итә.

Әлеге рейтингны үз сайтында Татарстан Республикасы Икътисад министрлыгы бастырып чыгарды.

Шлу ук вакытта Шәһәр һәм авыл халкы булган муниципаль районнар төркемендә 18 район арасында Минзәлә районы 3 урында. 2020 ел белән чагыштырганда район 10 баскычка күтәрелде. Әлеге төркемдә 1 урында Лаеш районы булса, 2 урында – Менделеевск районы.