81нче яшендә театр ветераны, Сабир Өметбаев исемендәге премия лауреаты Илһамия Кичубаева вафат булды

Илһамия Кичубаева 1945 елның 23 ноябрендә Минзәлә шәһәрендә, атаклы артистлар Мөхит Кичубаев һәм Рәбига Шакировалар гаиләсендә туа. Мәскәүдә Җир төзелеше институтының архитектура бүлеген тәмамлый. Минзәлә театрында 1994 −2005 елларда төзелеш буенча директор урынбасары, 2005 елдан 2021 елга кадәр музей мөдире булып эшләде.

Мәрхүмәнең энесенең, уллары Нияз һәм Русланның, оныкларының, туганнарының тирән кайгысын уртаклашабыз. Һәрчак якты йөзле, итагатьле Илһамия Мөхит кызының якты истәлеге безнең күңелләрдә сакланыр.

Чыганак – театрның МАХ каналы.