Айдар Сәлахов минзәләлеләрне Халыклар бердәмлеге көне һәм Татарстан Республикасы Конституциясе көне белән котлады

Хөрмәтле минзәләлеләр һәм районыбыз кунаклары!

Сезне Халыклар бердәмлеге көне һәм Татарстан Республикасы Конституциясе көне белән котлыйм!

Халыклар бердәмлеге көне-ул Россия халкының тирән тарихи тамырларын гәүдәләндерүче бәйрәм. Бу вакыйга безнең халыкка тарихның иң мөһим дәресләреннән берсен үзләштерергә ярдәм итте: барлык гражданнарның тырышлыгын берләштереп кенә, ирек һәм бәйсезлекне саклап калырга мөмкин. Бу көнне без үзебезне бөек тарихы, бүгенгесе һәм якты киләчәге булган, гаять зур мәдәни, икътисади һәм кеше сәләтенә ия булган бердәм һәм көчле дәүләт гражданнары булганыбызны аңлыйбыз. Һәм бүген күпмилләтле Россия халкының бердәмлеге, аның рухи бердәмлеге — илебезнең уңышлы үсеше һәм иминлегенең мөһим өлеше.

Безнең районда төрле диннәр һәм сәяси карашлар белән яшәүче төрле милләт вәкилләре дус булып яши. Без барыбыз да төрле, әмма һәркем икътисад, мәдәният, иҗтимагый мөнәсәбәтләр үсешенә үз өлешен кертә, һәркем хөрмәткә һәм игътибарга лаек. Тормышыбызда туганнарыбыз һәм якыннарыбызның тынычлыгы һәм иминлеге, районның үсеше һәм чәчәк атуы хакына үзара аңлашу һәм ярдәмләшү булсын.

Татарстан Республикасы Конституциясе, республиканың һәр кешесенең иминлеген тәэмин итеп, мөһим икътисадый һәм социаль мәсьәләләрне хәл итүдә дәүләт төзелешенең хокукый нигезе һәм ышанычлы юнәлеше булып хезмәт итә.

Ике бәйрәм дә безнең һәрберебез өчен бик мөһим — бу республикабыз һәм илебезнең барлыкка килүен, тарихыбызны хәтерләү.

Иң җылы котлауларымны кабул итегез! Ныклы сәламәтлек, бәхет һәм якты киләчәккә ышаныч телим! Һәр йортны, һәр гаиләне тынычлык, иминлек һәм шатлык биләп торсын!

Айдар Сәлахов, Минзәлә муниципаль районы башлыгы