Аюда Бөек Ватан сугышы ветеранын 23 февраль көне белән котладылар

Илшат Вагыйзов, "Минзәлә-информ"

Аю авылында Бөек Ватан сугышы ветераны 97 яшьлек Хәсән Гатауллины Ватанны саклаучылар көне белән котладылар.

Айрат Галимов, Аю авыл җирлеге башлыгы:
- Хәсән Насретдин улы безнең иң мөхтәрәм авылдашларыбызның берсе, озак еллар буена мәктәбебезне җитәкләгән легендар директор. 23 февраль белән котлап, аңа Минзәлә районы башлыгы Айдар Салаховның бүләген тапшырдык.

Ветеранны тәбрикләүдә Р. Каһиров исемендәге Аю гомумбелем бирү мәктәбе директоры Фәнзир Фәррахов, Аю авыл мәдәният йорты директоры Роза Гыйлфанова да катнаштылар.

Хәсән Гатауллин үзен тәбрикләргә мәктәп  укучылары да килүенә бик шатланды. 

 Фотолар Аю авыл җирлеге архивыннан.