Әмир Ардыханов Чиләбедә бронза яулады

Минзәлә шәһәренең 1 нче урта мәктәбе укучысы Әмир Ардыханов бадминтон буенча «Олимпия өметләре» бөтенроссия ярышларында катнашты. Турнир Чиләбедә узды.

— Ярышларда Әмир уңышлы чыгыш ясады. Әйтик, ир-атлар арасында парлы разрядта ул бронза яулады. Ялгыз разрядта ул-9, катнаш парлы разрядта — 5 урынны алды,-дип хәбәр итте «Минзәлә-информ» га Минзәлә шәһәренең «Юность» спорт мәктәбенең бадминтон бүлеге тренеры Игорь Ковальчук.