Азат Хамаев район тормышы белән танышты

Ул район башлыгы Айдар Салахов белән “Калморза” хуҗалыгы эшчәнлеге белән танышты. Хуҗалыкның идарә җитәкчесе Алмаз Шәрипов үзләрендә барган терлекчелектәге перспектив планнары белән таныштырды. Бүген сигез тонна савучы хуҗалык, 100 баш тана кайтып беткәч (беренче партиясе хуҗалыкта, тиздән бозаулый башлаячаклар, икенче партияне – тагын 50 баш, августта сатып алачаклар) көзгә 12 тонна сөт сава башлаячак.

Азат Хамаев бозаулар торагы булачак һәм яңа ашлык саклагыч склад төзелешләре мәйданчыгында булды, язгы чәчү эшләренең ничек оештырылуын үз күзләре белән күрде.

Азат Хамаев районда язгы чәчү эшләренең торышы белән танышкач, үзәк хастаханә, интернат-мәктәп коллективлары белән аралашты. Аларга медицина маскалары бүләк итте.

Шәһәрдә баручы төзелеш объектларындагы эш барышын үз күзләре белән күрде. Килеп туган проблемаларны чишүне үз контроленә алды.