Бар ул куәтлеләр!

Старт алдыннан район башкарма комитеты җитәкчесе Илгизәр Шагалиев районда быелгы спартакиадага старт бирелүен, ярышларның максаты - оешмаларда эшләүчеләрне спорт белән шөгыльләнүгә җә-леп итү, халык арасында сәламәт яшәү рәвешен пропагандалау, популярлаштыру икәнлеген бәян итте, спорт белән шөгыльләнү өчен бөтен мөмкинлекләр барлыгын ассызыклады.

Ярышларның баш хөкем-даре Рәмзил Бәдриев спарта-киаданың шартлары белән таныштырды. Башта һәр оешмадан ике ир-ат, ике хатын-кыз чаңгы эстафетасында ярыштылар, аннары мылтыктан аттылар, кар өстеннән шуыштылар, чана тарттылар, иң соңыннан аркан тартыштылар.Кар өстеннән башта шуышкан кешеләргә җайлы булды, ә кар йомшагач, шуышкан кешеләргә кыенгарак туры килде. Аркан тартышканда да урыны тайгак, тигез булмау сәбәпле, икенче җиргә күчәргә туры килде. Иң кызыгы шушы уен булгандыр, һәр командада ике хатын-кыз, өч ир-егет катнашты. Аркан тартышуда МЧСта эшләүче Рөстәм Сабиров өч команда өчен чыгыш ясады, бар бит ул Минзәләдә күәтле егетләр! Аркан тартышуда АТП командасы - беренче, райсуд - икенче, "Коммуналь челтәрләр" ААҖ өченче урында калды. Спартакиадада изолятор һәм район судының берләштерелгән командасына тиңнәр булмады, икенче урынны мәгариф бүлеге, өченче урынны "Татавтодор" ААҖнең Минзәлә командасы яулады.