Безнекеләр финалга чыкты!

(12 ноябрь, Минзәлә, «Минзәлә-информ», Чулпан Шафикова). Минзәлә футбол командасы тренеры Рөстәм Саранов хәбәр иткәнчә, 5нче ноябрь көнне Актанышта мини-футбол буенча Татарстан Чемпионаты узды. Безнең 2007-2008 елда туган футболчыларыбыз икенче урынны яуладылар һәм Татарстан Чемпионатының финал өлешенә чыктылар!

2005-2006 елны туучы футболчылар командасы 9-10нчы ноябрьдә уңышлы уеннан соң шулай ук икенче булдылар һәм чемпионатның финал өлешенә чыктылар.

Ә бүген, 12нче ноябрьдә, минифутбол буенча Татарстан чемпионатында 2009-2010 елларда туган «Олимп» футболчылары катнаша. Яшь спортчыларга уңышлар телибез!