Борчак сугылды, көзге бодай да күп калмады

(Илдус Шаһиев, “Минзәлә-информ”)

Әзерлек югары дәрәҗәдә булганга, тиз арада 100 гектар борчакны суктырып алдылар, хәзер көзге бодайны суктыралар.Борчак төшеме бер гектарга 7,3 центнер тәшкил итте, корылык бодай уңышын да нык киметте- фәкать 12,3 центнер гына тәшкил итә.
Радик Фәттахов, хуҗалык җитәкчесе:
- Төп бурычыбыз, механизаторларыбыз тырышлыгы белән үстергәнне, ходай биргәнне югалтуларсыз җыеп алу. Басу- ындыр табагы конвейнеры өзлексез эшли.Комбайнчыларыбыз Илфак һәм Айрат Шиһабиевлар, Александр Отнолин, Рамил Минһаҗевлар тәҗрибәле осталар.Алар Көн саен утыз гектарга якын мәйданны суктырып баралар.Машина йөртүче Ришат Шиһабиев алар суктырган ашлыкны ындыр табагына ташып тора.