Булачак тулай торакка мебель кайта башлады

(Илдус Шаһиев, "Минзәлә-информ")

Дүртәр студент торачак киң, якты бүлмәләргә мебель кайта башлаган. Монда булачак комфортны тагын да көчәйтү өчен бер генә мисал - һәр карават башында стенага индивидуаль яктырткычлар куелган.

Район башлыгы Айдар Салахов төзекләндерү эшләренең торышын карап йөргәндә сыйфатка тел-теш тидерерлек булмасын дип кисәтте. Төп игътибар - биредә ел ахырына эшләрне тәмамлап, тулай торакның икенче чиратына, тирә-як территорияне төзекләндерүгә финанслауны дәвам иттерегә ирешү.

Ренат Ибраһимов, педагогия көллияте директоры "Минзәлә- информ" хәбәрчесенә менә ниләр сөйләде:

- Тулай торакны Яңа елга хәтле тапшырырлар һәм бина хуҗалары - студентлар шушы рәхәтлектә яши башларлар дип өметләнәбез. Студентларыбызның бер өлеше техникум тулай торагында яши әлегә. Безне сыендырган өчен, директор Эльвира Фәттаховага рәхмәтлебез.