Бәяләргә даими төстә мониторг ясала

(Минзәлә, Илшат Вагыйзов, "Минзәлә-информ") ТР Дәүләт алкоголь инспекциясе Чаллы территориаль органының барлык эше халыкның тормыш дәрәҗәсен һәм сыйфатын күтәрүгә юнәлдерелгән.

- 18.07.2011 ел, № 218-ФЗ РФ Федераль законы нигезендә, Россия Федерациясе территориясендә алкогольле продукцияне ваклап сатучы барлык юридик затлар һәм шәхси эшмәкәрләр 12 форма буенча сыра һәм сыра эчемлекләрен ваклап сату һәм җәмәгать туклануы хезмәтләре күрсәткәндә алкогольле продукцияне ваклап сату буенча 11нче форма буенча декларацияләр тапшырырга тиеш,  - дип хәбәр итә Татарстан Республикасы Дәүләт алкоголь инспекциясенең Яр Чаллы территориаль органы контроль-инспекция бүлегенең әйдәп баручы белгеч-эксперты Эльвира Фәттахова. - Квартал декларацияләрен тапшырмаган өчен РФ КоАП 15.13 статьясы буенча административ җаваплылык каралган.

Социаль әһәмиятле азык-төлек товарларының аерым төрләренә бәяләрнең нигезсез үсүен булдырмау һәм эчке базардагы хәлне тотрыкландыру максатыннан, белгеч тарафыннан Минзәлә районында даими рәвештә бәяләр үсешен тоткарлауга юнәлдерелгән мониторинглар үткәрелә. Мониторинг көндәлек (даими) ихтыяҗ булган азык-төлек товарларының барлык төркемнәре буенча үткәрелә.

Минзәлә районында яшәүчеләр район территориясендә алкогольле һәм спиртлы продукциянең легаль булмаган әйләнешен ачыклауда ярдәм итә алалар, моның өчен Татарстан Республикасы Хөкүмәте порталындагы «Халык контроле " бүлегендә мөрәҗәгать итеп, алкогольле һәм спиртлы продукциянең законсыз әйләнеше фактлары турында хәбәр итәргә яки Татарстан Республикасы Дәүләт алкоголь инспекциясенең Чаллы территориаль органының «Кайнар линия» телефонына (8 (8552) 71-43-03) шалтыратырга, шулай ук Э.  Фәттахованың электрон почтасына язмача мөрәҗәгать җибәрергә мөмкин. Elvira1.Fattahova@tatar.ru.