Дәүләт телләре хакында канун бозылырга тиеш түгел

- Моңарчы җибәрелгән хаталарны төзәтеп, башкарылмыйча калган эшләрне төгәлләп, алга таба, бигрәк тә бюджет акчасына, дәүләт программалары буенча эшләр башкарганда Татарстан Республикасының “Дәүләт телләре” хакында канунын бозуга юл куярга ярамый, - дип билгеләп үтте Вәсил Шәйхразиев.

Минзәлә районына кагылышлы рәсми мәгълүматлардан төзелгән статистикадан күренгәнчә, урам күрсәткечләре 100 %, җирле әһәмияттәге юллардагы юл билгеләре 79,7% дәрәҗәсендә республиканың “Дәүләт телләре хакында” канунына нигезләнеп эшләнгән. 2019 елда административ-техник инспекция тарафыннан канун  үтәлмәгән өчен 30 протокол һәм кисәтү ясалса, быелның гыйнварында – 0.  2020 елның гыйнвар аенда “ТАТМЕДИА” АҖ филиалы “Минзәлә-информ” тарафыннан ТР “Дәүләт телләре хакында” канун үтәлеше турында 7 материал әзерләнгән.

Видеоконфереция барышында Татарстан Республикасының Юстиция, Транспорт һәм юл төзелеше, Сәнәгать һәм сәүдә министрлыклары, «Татмедиа» республика матбугат һәм массакүләм коммуникацияләр агентлыгы, Төзелеш,  архитектура һәм торак-коммуналь хуҗалык  министрлыгының Архитектура һәм шәһәр төзелеше идарәсе вәкилләре чыгыш ясадылар.