Дым җитмәгән туфрак шыгырдап каткан, тагылма кораллар еш ватыла

Илдус Шаһиев, Минзәлә- информ

Өченче фотодагы кантарны- укмашып каткан туфракка игътибар итегез. Районга килгән бер инвестор туфракны өстән эшкәртү технологиясе белән эшләүне дәвам итә, ә сөрүгә өстенлек бирүчеләр җирне тирәнтен ермачлап һәм кантарларны ватып, җир өслеген тигезләп баручы тагылма кораллар сатып алалар.Дымы булган басу өчен бик әйбәт, әмма аларның калын- калын болтлары да быел түзми.
Әмма җирне кышка сөреп калдырырга кирәк.
Райондагы авыл хуҗалыгы эшләренең торышы белән танышып йөргәндә район башлыгы Айдар Салахов "Әнәк" хуҗалыгының Мөшеге бүлекчәсендә кулланылучы яңа коралның ничек эшләвен карады.