Герман Салимов Мөслимдә узган республикакүләм көрәш турнирыннан җиңү белән кайтты

(Илшат Вагыйзов, "Минзәлә-информ")
Мөслимдә легендар көрәшче, хөкемдар Фәрит Корбанов истәлегенә узган V Республика турнирында Минзәлә районының яшь батырлары да катнашты.
Фәнияр Гәрәев, Калтак мәктәбе физкультура укытучысы, Минзәлә районының танылган көрәш тренеры:
- Безнең мәктәптән 6 сыйныф укучысы Герман Салимовны һәм 7 сыйныф укучысы Динар Исламовны алып бардым. Нәтиҗәдә Герман 32 килограммга кадәр үлчәм категориясендә 2 нче урын яулады.

Ярышта шулай ук Минзәләдән 2, Хуҗәмәттән 4 егет катнашты. Алар призлы урыннар яулый алмадылар. Шулай итеп, Герман әлеге республика ярышында районыбыз көрәшчеләре арасында иң яхшы нәтиҗәгә иреште.