Гөлек авылында яр буенда өмә үткәрелде

(Илшат Вагыйзов, “Минзәлә-информ”)

 Минзәлә районы Урыс авыл җирлеге бюджет хезмәткәрләре  Гөлек авылында яр буен чистарту буенча өмә үткәрделәр.

Ильмира Аксюкова, Урыс авыл җирлеге:

- Гөлек авылы бик матур табигать кочагында урнашкан. Җәй көне елга буенда ял итәргә, балык тотарга килүчеләр бик күп була. Әмма ял иткәч, үз артларыннан җыештырмыйча китүчеләр дә бар. Чүп-чарның бөтен матурлыкның ямен җибәрүен һәм елгага төшеп, экологиягә зыян салуын онытмасыннар иде.