Җиңү Диктанты язарга теләүче минзәләлеләр өчен 3 аудитория әзерлиячәкләр

27 апрель 2021 - 13:26 Автор:

Ильшат Вагизов

701

Чараны уздыру мәйданчыгы итеп 3 нче урта мәктәп сайланды, теләүчеләр онлайн-режимда да яза алалар

(Илшат Вагыйзов, «Минзәлә-информ») Минзәлә районында яшәүчеләр Җиңү диктантын барлык санитар-эпидемиологик таләпләрне исәпкә алып әзерләнгән 3 аудиториядә язачаклар. Бу хакта «Минзәлә-информ» га Минзәлә шәһәренең 3 нче урта мәктәбендә хәбәр иттеләр.

- Барлыгы 50гә якын кеше катнашыр дип көтелә. Бу акциягә кушылырга һәм Бөек Ватан сугышы белән бәйле даталарны белүләрен тикшерергә теләүчеләр диктантпобеды.рф сайтында алдан теркәлү узарга тиеш, - дип сөйләде әлеге чараны районда үткәрүгә җаваплы, 3нче мәктәпнең информатика һәм ИКТ укытучысы Вера Муринова.